स्वास्थ्य उपचारमा हुने खर्चको हिसाब

स्वास्थ्य उपचारमा हुने खर्चको हिसाब 
हाम्रोजस्तो अल्पविकसित देशमा जनताको कुल आम्दानीको ठूलो हिस्सा स्वास्थ्य उपचारमा खर्च हुने गरको कुरा विभिन्न अध्ययन अनुसन्धानले देखाएका छन् । यसरी स्वास्थ्य उपचारमा हुने खर्चमध्ये करिब ८० प्रतिशत खर्च दुषित पानी तथा सरसफाइको कमीका कारणबाट उत्पन्न हुने रोगको उपचारमा खर्च हुने गरको छ । सम्बन्धित समुदायबाट वार्षिक कति जति रकम स्वास्थ्य उपचारको नाममा गाउँबाट बाहिर गइरहेको रहेछ भन्ने कुराको हिसाब गरेर देखाउन सकिन्छ । उदाहरणका लागि ः
कुनै गाउँमा प्रतिघर सरदर ६ जना सदस्य भएका ५० घरहरु रहेछने । प्रत्येक घरमा हरेक वर्ष सरदर चार जना बिमारी हुने गरेका रहेछन् । समुदायलाई बढीजसो लाग्ने रोगहरु के के हुन? भनेर सोधी प्राथमिकता आधारमा लेख्दै जानुहोसे । धेरैजसो रोगहरु सफा पानी र उचित सरसफाईको अभावले लाग्ने गरेको पाइएको छ ।
अब प्रत्येक व्यक्तिको उपचारमा एक पटकमा सरदर कति रकम खर्च गर्ने गरिन्छ भन्ने प्रश्न गरेर हिसाब गर्दै जानुहोस । समुदायले खर्चको अनुमान गर्दै जानेछन् । जस्तो ः एक जनाको उपचारका लागि सरदर पाँच सय रुपैयाँ खर्च हुने गरेको रहेछ भन्ने ५० घरमा चार जनाका दरले बिमारी हुँदा, जम्मा बिमारी संख्या दुई सय जनाको उपचार खर्च २०० ह ५०० . एक लाख रुपैयाँ हुन आउँछ । अन्त्यमा सरसफाइसम्बन्धी आनीबानीमा परिवर्तन गरेका खण्डमा यस्ता रोगहरुको धेरै हदसम्म रोकथाम भई उपचारमा लाग्ने खर्च जोगिन्छ भन्ने कुरा समुदायलाई बनाउनुहोस् ।